2017-ci ildə Rasional İnkişaf uğrunda Qadınlar Cəmiyyəti (RİQC) müxtəlif maraqlı tərəflərin nümayəndələrindən ibarət Haqqına Sahib Çıx! İşçi Qrupunu yaratdı. İşçi Qrupu özündə 1 gender mütəxəssisi, 1 hüquqşünas, 1 iqtisadçı, 2 səhiyyə və 2 media mütəxəssisi olmaqla cəmi 7 mütəxəssisi birləşdirir. RİQC tərəfindən yaradılan, koordinasiya edilən və müəyyən olunmuş çərçivədə fəaliyyət göstərən İşçi Qrupu reproduktiv sağlamlıq və hüquqlar sahəsində maarifləndirmə, monitorinq, müdafiə, ictimai vəkillik, şəbəkələşmə istiqamətlərində çalışır.
