İctimai vəkillik

Haqqına Sahib Çıx! Kampaniyası Azərbaycanda “Əhalinin Reproduktiv Sağlamlığının Qorunması və Ailə Planlaşdırılması haqqında” Qanunun qəbul edilməsinə və Azərbaycan hökuməti tərəfindən reproduktiv sağlamlığın keyfiyyət monitorinqi və nəzarətinin həyata keçirilməsinə dair vəkilliyin aparılmasına yönəlik addımlar atır. Bu istiqamətdə aparılan ictimai vəkillik dövlətin və cəmiyyətin düşüncə tərzinin dəyişdirilməsinə xidmət edərək müxtəlif təşəbbüs və formatlarda insanları müəyyən addımlar atmağa həvəsləndirir və səfərbər edir. Bununla yanaşı, Kampaniya siyasət dəyişikliyinə nail olmaq məqsədilə idarəetmə və qərar qəbuletmə proseslərində mühüm rol oynayan siyasətçilərə ictimai vəkilliyin bir elementi olan lobbiçilik vasitəsilə birbaşa təsir göstərərək ölkədə vətəndaşların reproduktiv sağlamlıq sahəsində azad, məlumatlı və ləyaqətli seçim hüququnu qorumağa cəhd edir.